Sveçla në mbledhjen e VV-së është ndalur te veriu i Kosovës, ku ka thënë se 17% e territorit të Kosovës ka qenë në situatë më rëndë më parë. Tash thotë se është ndryshe.
Sipas tij, kjo falë veprimeve të ndërmarra, siguria në atë pjesë të vendit është kthyer.
Për këtë, ai thotë sukseset nuk i atrbuohen vetëm Policisë dhe minsitrisë, por edhe Lëvizjes Vetëvendosje.
“Ne kemi fituar në Banjskë për shkak të përgatitjeve të mëdha paraprake, tha ai, duke theksuar se shëmbëlltyra e asaj fitore është rënia e rreshterit Afrim Bunjaku. Ministri Sveçla po ashtu kujtoi përmirësimet tjera që kanë ardhë me kthimin e sigurisë dhe sovranitetit në pjesën veriore duke kujtuar që tash në pjesën veriore shpenzojmë 35% më pak energji, 35% energji pra që më parë vidhej. Të gjitha sukseset tona nuk janë arritur vetëm për shkak të vullnetit të policëve ose të ministrisë së brendshme por edhe për shkak të vendimit të Lëvizjes VETëVENDOSJE! që rendi dhe ligji, lufta ndaj krimit dhe korrupsionit, të jetë objektivi numër 1 i qeverisë Kurti, tha në fund ministri Sveçla, deklaratë që u shpërnda nga Lëvizja Vetëvendosje.
