Ish-kryetari i Gjykatës Kushtetuese, Kadri Kryeziu, ka reaguar ashpër pas vendimit të kësaj gjykate për miratimin e masës së përkohshme të kërkuar nga Lista Serbe për konstituimin e Kuvendit.
Përmes një postimi, Kryeziu ka thënë se ky vendim i hap rrugën që komuniteti serb të ketë të drejtë vetoje në proceset më të rëndësishme shtetërore.
“Kam frikë që me këtë masë idiotike të përkohshme, Gjykata Kushtetuese është duke e përgatitur terrenin për ta shpallur si të ligjshme të drejtën e vetos së komunitetit serb mbi procesin më vital të funksionimit të shtetit,” ka shkruar ai.
Postimi i plotë:
Kam frikë që me këtë masë idiotike të përkohshme, Gjykata Kushtetuese është duke e përgatitur terrenin për ta shpallur si të ligjshme të drejtën e vetos së komunitetit serb mbi procesin më vital të funksionimit të shtetit.
Kjo është vetvrasje për pavarësinë faktike të Kosovës.
