Avokati Gazmend Halilaj ka reaguar pas dënimit të Pjetër Shalës.
Ish-pjesëtari i Ushtrisë Çlirimtare të Kosovës është dënuar me 18 vjet burgim për krime lufte nga trupi gjykues i Gjykatës Speciale.
Ai është shpallur fajtor për ndalim arbitrar dhe torturë kundër së paku 18 personave dhe në pikën e vrasjes së paligjshme kundër një personi, më ose rreth datës 5 qershor 1999, në fabrikën e metalit në Kukës të Shqipërisë.
Avokati Halilaj pas këtij dënimi thotë se, Shala ka kry krime mizore ndaj të pambrojturve dhe i dha një goditje e njollë të përhershme luftës së UÇK-së.
Sipas tij, UÇK-ja duhet të distancohet nga veprat mizore të Pjetër Shalës.
Reagimi i plotë:
Nëse mu dokë partriot, duhet m’i mbrojt Krimet Monsturoze, kurrë patriot mos kofsha.
Ky, jo vetëm që kreu Krime Mizore, ndaj të pambrojturve, por i dha goditje dhe njollë të përhershme luftës së UÇK-së.
-UÇK duhet të distancohet nga veprat Mizore të të akuzuarit Pjetër Shala.
-Shteti duhet t’u kërkoj Falje të dëmtuarëve dhe familjeve të të vrarit dhe t’i kompenzojë ato.
Ushtari i UÇK-së, kishte detyrë të luftojë me forcat barbare të kasapit Millosheviq, të ofrojë mbrojtje për popullin e pambrojtur, e JO të kryej krime mizore ndaj popullit të tij.
Ne nuk duhet të krahasohemi me paramilitarët serbë..
Drejtësia duhet të trijumfoj ndaj secilit…
