12:34 / 22 January 2023
Dje ishte 17-vjetori i vdekjes së ish-presidentit Ibrahim Rugova.
Personalitete të shumta, përfshirë edhe nga Partia Demokratike e Kosovës e kujtuan e lartësuan veprën e Rugovës, shkruan lajmi.net.
Mirëpo, një ish-deputet i kësaj partie, ish-pjesëtar i UÇK-së si dhe ish- i burgosur politik nga regjimi i Millosheviqit, e kujtoi në një formë tjetër Rugovën.
Bëhet fjalë për Gani Kocin. Ky i fundit kujtoi deklaratat e Rugovës për UÇK-në, duke publikuar një artikull të vjetër të “Kohës Ditore”, ku ish-presidenti thoshte se UÇK nuk ekziston.
Postimi i Kocit:
Historia është mësuesja e jetës!
Ne sikur e kemi harruar këtë maksimë. Dhe historinë e kemi bër buçkurish, një çorbë pa shije!
Nuk po di kush, as çka ishte e as çka është.
Historia jonë është bërë thes lypsari. Miell e krunde bashkë. /Lajmi.net/
