Çitaku thotë se Rama ëdhtë konsistent në thirrjen për drejtësi ndaj ish-krerëve të UÇK-së
Sekretarja e Përgjithshme e Partia Demokratike e Kosovës (PDK), Vlora Çitaku, ka komentuar fjalimin e kryeministrit të Shqipërisë, Edi Rama, në Bordin e Paqes, ku ai kërkoi angazhim nga presidenti Donald Trump lidhur me procesin gjyqësor ndaj ish-krerëve të UÇK-së në Hagë.
Në emisionin “DPT te Fidani” në Klan Kosova, Çitaku e cilësoi fjalimin e Ramës si të jashtëzakonshëm, duke theksuar se ai ka qenë konsistent në thirrjet për drejtësi ndaj Hashim Thaçi, Kadri Veseli, Rexhep Selimi dhe Jakup Krasniqi.
“Edi Rama, kryeministri shqiptar, ka qenë i jashtëzakonshëm dhe, thënë të drejtën, kjo që bëri sot është vazhdimësi. Edi ka qenë konsistent në këtë pikë. Unë kam qenë prezente bashkë me të kur ka qenë në Këshillin e Evropës dhe ngjashëm pati mbajtur një fjalim jashtëzakonisht përmbajtësor, përmes të cilit pati dekonstruktuar komplet aktakuzën e rreme të Prokurorisë. Dhe sot, në një forum të tillë ku sytë e botës kanë qenë në Washington, kryeministri shqiptar e shpjegoi me precizitet padrejtësinë e madhe që po i bëhet Kosovës përmes procesit në Hagë dhe bëri një lutje që të mos bëhet më keq”, tha Çitaku.
