10:08 / 21 December 2024
Lumir Abdixhiku, kryetar i Lidhjes Demokratike të Kosovës, ka takuar strukturat e partisë në Llap, për çfarë ka thënë se takimi u nis si një darkë e zakonshme.
Në mesin e të pranishmëve nuk është parë Agim Veliu, njëri prej themeluesve të LDK-së në Podujevë dhe kryetari shumëvjeçar i kësaj komune.
Veriu.info mëson se Agim Veliu nuk ka pasur ftesë për pjesëmarrje në këtë tubim.
Ndryshe, deputeti aktual i LDK-së, Agim Veliu, nuk është pjesë e listës për deputet në zgjedhjet e 9 shkurtit, pasi që ai nuk ishte propozuar as nga dega që udhëheqet prej Ekrem Hysenit e as nga kryetari i partisë, Lumir Abdixhiku.
Mosprezanca e Agim Veliut edhe në këtë tubim, është pasojë e një përçarje politike që i ka ndodhur degës së LDK-së në Podujevë./Veriu.info
