Sa i përket çështjes së presidentit, deputeti i zgjedhur nga radhët e Partisë Demokratike të Kosovës Xhavit Haliti, ka thënë se kjo pozitë do të duhej t’i takonte PDK-së.
Sipas Halitit, presidenti apo presidentja do të duhej të zgjidhej me marrëveshje politike mes pozitës dhe opozitës.
“Mendoj se presidenti duhet të zgjidhet me marrëveshje politike, pozitë-opozitë. Mendoj se nuk duhet të jetë apolitik siç po i dëgjoj disa. Mendoj se presidenti duhet të jetë nga Partia Demokratike e Kosovës. Dikush që mund ta kryej këtë detyrë dhe që ka vullnet dhe i besohet. Për t’i besuar, duhet t’i besojë edhe pozita edhe pozita. Presidenti është noter dhe po keqkuptohet ndonjëherë dhe po reagon edhe presidentja. Vula e presidentit është mbi të gjitha çështjet dhe veçanërisht në marrëdhëniet me jashtë”, ka thënë Haliti në emisionin “60 Minuta” në KTV, raporton KOHA.
