Kryetari i Bashkimit Demokratik për Integrim (BDI), Ali Ahmeti, ka kujtuar heroin Ilaz Kodra, në përvjetorin e 23-të të rënies së tij.
Nëpërmjet një postimi në Facebook, Ahmeti, ka shkruar se, Kodra ishte ndër themeluesit e celulave të para të Ushtrisë Çlirimtare të Kosovës.
“Prekazi i fali Kosovës shumë nga bijtë e saj në kauzën e drejtë të lirisë, në mesin e të cilëve në përvjetorin e 23-të të rënies së tij heroike kujtojmë me krenari Komandantin Ilaz Kodra. Krah për krah me Adem dhe Hamëz Jasharin, Ilazi ishte ndër themeluesit e celulave të para të Ushtrisë Çlirimtare të Kosovës”, ka thënë Ahmeti.
Tutje, ai ka shtuar: “Lavdi veprës kombëtare të Ilaz Kodrës! Lavdi të gjithë dëshmorëve të kombit!”.
Postimi i Ahmetit:
Prekazi i fali Kosovës shumë nga bijtë e saj në kauzën e drejtë të lirisë, në mesin e të cilëve në përvjetorin e 23-të të rënies së tij heroike kujtojmë me krenari Komandantin Ilaz Kodra.
Krah për krah me Adem dhe Hamëz Jasharin, Ilazi ishte ndër themeluesit e celulave të para të Ushtrisë Çlirimtare të Kosovës, pushka e të cilit vazhdoi të mbajë gjallë amanetin e tyre dhe të jetë zë i fuqishëm lirie.
Amanetin e tij për çlirimin e Kosovës dhe flakadanin e lirisë e mbajtën të pashuar shokët e UÇK-së për themelimin dhe ekzistencën e së cilës dha gjithcka nga vetja.
Atdhedashuria dhe vigjilenca e tij ushtarake ishte frymëzim për çdo luftëtar në betejat e lirisë dhe i tillë do të mbetet gjithmonë ndër ne kujtimi për të.
Lavdi veprës kombëtare të Ilaz Kodrës!
Lavdi të gjithë dëshmorëve të kombit!
