Ish-kryeministri i Shqipërisë, Sali Berisha, ka hedhur sërish akuza ndaj mazhorancës atje.
Ai ka thënë se Rama e ka refuzuar rezolutën për dënimin e gjenocidit serb në Kosovë.
Përmes një postimi në rrjete sociale, Berisha thotë se presidenti serb, Aleksandër Vuçiq, do të ruajë edhe sovranitetin e Kosovës, si pjesë integrale të Serbisë.
“Refuzimi i rezolutës tone për dënimin e gjenocidit serb në Kosovë nga vasali i Vuçiqit, Edi Rama, për shkak të ‘Ballkanit të Hapur’ është akti antikombëtar më i rëndë pas dorëzimit të Kosovës te serbët nga Enver Hoxha”.
“Ky akt antishqiptar është përdhosje e shpirtrave të 10 mijë shqiptarëve që u vranë dhe masakruan vetëm në plojën e fundit të Beogradit në Kosovë. Mohimi i gjenocidit është krim i shëmtuar”, ka shkruar Berisha./abcnews.al/
