Avokati, Besnik Berisha, ka thënë se duhet pastruar lista e veteranëve në mënyrë që të shpërblehen ata që e meritojnë.
Këto deklarime, Berisha i ka bërë pas debatit të nxitur nga protesta e veteranëve, të cilët nuk janë përfshirë në projektligjin për pagën minimale.
Berisha në faqen e tij në facebook shkroi se mashtruesit e abuzuesit e kanë vendin në burg.
“Patriot nuk është ai qe rreshtohet me protestën e veteraneve, por ai që i mbron ata nga mashtruesit e përfituesit në kurriz të tyre dhe në dëm të secilit nga ne. Ai që merr guximin për ta pastruar listën e veteraneve nga mashtruesit dhe abuzuesit me taksat tona, ai meriton përkrahje. Përkrahja ad blanco e kujtdo është vetëm një demagogji e hipokrizi”, ka shkruar Berisha.
Avokati Berisha ka theksuar se veteranët e vërtetë meritojnë çdo gjë.
“Veteranet e vërtetë meritojnë çdo gjë, mashtruesit e abuzuesit asgjë përveç burgut! Pastroni listat, shpërbleni ata qe meritojnë, ndëshkoni ata qe po abuzojnë!”, ka shtuar Berisha.
