7:31 / 20 February 2025
Altin Krasniqi, kandidati për deputet nga radhët e Partisë Demokratike të Kosovës (PDK), ka marrë deri tani 19,223 vota, duke siguruar mandatin e tij në Kuvendin e Kosovës.
Sipas rezultateve paraprake të shpallura nga Komisioni Qendror i Zgjedhjeve (KQZ), Krasniqi është në mesin e më të votuarve brenda PDK-së. Ai ka marrë një mbështetje të madhe nga qytetarët e Drenasit, ku ka siguruar rreth 7 mijë vota.
Kjo është hera e parë që ai garon në zgjedhje dhe votat e fituara konfirmojnë besimin e qytetarëve ndaj tij. Altin Krasniqi është djali i Jakup Krasniqit, një prej figurave të njohura të politikës kosovare.
Rezultatet mbeten paraprake dhe pritet të certifikohen pas përfundimit të procesit zgjedhor.
