Presidentja Vjosa Osmani ka pranuar një mesazh urimi për 17-vjetorin e Pavarësisë, edhe nga Presidenti i Turqisë, Recep Tayyip Erdogan.
Sipas njoftimit të Presidencës, Erdogan ka nënvizuar mbështetjen e palëkundur të Turqisë për sovranitetin, integritetin territorial dhe përpjekjet e Kosovës për afirmimin e saj në arenën ndërkombëtare, duke rikujtuar rolin e shtetit të tij, si një nga vendet e para që njohu pavarësinë e Kosovës,.
“Në mesazhin e tij, Presidenti Erdoğan i ka shprehur Presidentes Osmani dhe popullit të Kosovës urimet më të përzemërta në emrin e tij dhe të kombit turk, duke ritheksuar lidhjet historike, njerëzore dhe kulturore ndërmjet dy vendeve”, thuhet në njoftimin e Presidencës.
Tutje thuhet se Erdogan ka theksuar vullnetin e përbashkët për forcimin dhe zgjerimin e marrëdhënieve dypalëshe në të gjitha fushat me interes të ndërsjellë.
