Deputetja e Partisë Demokratike të Kosovës, Ganimete Musliu, ka folur për kritikat e Lëvizjes Vetëvendosje që vazhdojnë të deklarojnë se në Kosovë nuk është bërë asgjë për 20 vite sa në qeverisje kanë qenë tashmë partitë opozitare.
Ajo ka thënë se në fakt në Kosovë është bërë shumë për 20 vjet, shkruan Sot News.
“Në Kosovë është bërë shumë për 20 vjet. Më pëlqeu një ditë një humor që tha se këta veç pluhurin me ja fshi punëve që janë bërë për 20 vjet, lodhen. Tash nëse ti ke bërë propagandë 10-15 vjet kundër këtij vendi, kjo ka me t’u kthy sepse ti nuk mundesh brenda një viti apo 13 muajve të bësh gjithçka e të thuash ‘tash unë jam kryeministër, tash është mirë’”, ka thënë Musliu në Kanal 10.
Tutje, ajo ka kritikuar kryeministrin Albin Kurti se nuk ka dalë ende me një video-mesazh për të rinjtë e vendit që t’iu premtojë vende pune e të apelojë tek ta që të mos largohen nga Kosova.
