Kryetari i Aleancës për Ardhmërinë e Kosovës (AAK), Ramush Haradinaj ka thënë se është i shqetësuar për siç i ka quajtur ai, sulmet po u bëhen gazetarëve e mediave nga eksponentë të ndryshëm të pushtetit aktual, shkruan Gazeta Express.
Ai në një postim në Facebook ka shkruar se një shoqëri është e lirë po aq sa i ka mediat e lira.
Sipas tij, shkalla e demokracisë matet me nivelin e lirisë së fjalës, lirisë së mendimit e të medias.
“Janë tejet shqetësuese sulmet që u janë bërë gazetarëve e mediave, nga eksponentë të ndryshëm të pushtetit aktual. Liria e mediave duhet të jetë e pacënueshme. Ky është obligim, jo vetëm kushtetues e ligjor, por edhe moral! Sot në Ditën Botërore të Lirisë së Mediave, të bashkohemi në mbrojtje të këtyre vlerave të panegociueshme të demokracisë”, ka shkruar Haradinaj.
