Ish-luftëtari i UÇK-së, Ismail Muharremselmani, ka thënë se veteranët për 20 vjet kanë jetuar me lëmoshë.
“Kjo protestë kishte një mesazh për institucionet. Luftëtari për 20 vjet ka jetuar me lëmoshë, pra ne nuk erdhëm në luftëra për të bërë pensione e lukse, por për të çliruar vendin tokën arbërore, por për 20 vjet të diskriminohen veteranët me 170 euro, s’di se çka bëjnë”, ka thënë ai në Info Magazinë.
Ai tha se veteranët kërkojnë që të mos diskriminohen.
“Kërkojmë të mos diskriminohemi, sepse veteranët e luftës për dy dekada janë bërë për ‘shportë të bërllokut’ dhe askush nuk e kthen kokën për të. Kjo protestë është fillimi dhe nuk e di kur do të mbarojë”, është shprehur ai.
“Luftëtari asnjëherë nuk e përmbys vendin, por kërkojmë që mos të na politizojnë por të thonë atë që duhet të bëhet. Krejt luftëtarët, që e kanë veshur këtë uniformë, ta mbajnë kokën lart. Luftëtarët janë të gjallë dhe mos t’i lëmë në lëmoshë 170 euro”, përfundoi ai.
