Profesori universitar në Paris, Nezir Kraki, ka reaguar pasi Asambleja e Përgjithshme e Kombeve të Bashkuara miratoi rezolutën, sipas së cilës 11 Korriku shpallet Ditë Ndërkombëtare e Përkujtimit të Viktimave të Gjenocidit në Srebrenicë.
Si në lloagrinë e tij të Facebook-ut publikoi një fotografi të presidentit serb, Aleksandar Vuçiq, duke e cilësuar si “evropian” të Lajccakut, të kaluarën e të cilit e përmbeldhi në disa rreshta.
Kraki tha Vuçiq është çetnik i pandryshueshëm edhe sot në OKB tregoi se Serbia nuk është gati as të ndahet nga e kaluara kriminale
“Përballë këtij gjendet Albin Kurti i cili krim të vetëm ka synimin për ta bërë Kosovën shtet funksional. ’Krimi’ i Albinit është tepër i rëndë, prandaj Evropa ka vite që e përkëdhel Serbinë me liderin e saj, pjesëmarrës në barbaritë e Bosnjes dhe Kosovës”, shkroi profesori, përcjell “Bota sot”.
Postimi i plotë
Njohja e gjenocidit të Srebrenicës është identifikim i autorëve të asaj barbarie. Dhe mirë që u bë kështu se patën fillu disa fylla diplomatikë me vajtu me Serbine duke e konsideru gati si viktimë.
Ky në foto është «evropiani» i Lajçakut. Ky që në kohën e luftës në Bosnë thoshte se për një serb duhet të vriten 100 boshnjakë dhe i cili kurrë me mend e me bindje s’ka dalë nga partia e filozofia e Sheshelit.
Ky që ishte ministër në kohën e barbarive në Kosovë dhe që e feston Millosheviqin si burrështetas të madh serb kur i shkon te varri. Ky çetnik i pandryshueshëm edhe sot në OKB tregoi se Serbia nuk është gati as të ndahet nga e kaluara kriminale e gjenocidale dhe as të heq dorë nga planet hegjemoniste të Serbisë së madhe, etnikisht të pastër.
Përballë këtij gjendet Albin Kurti i cili krim të vetëm ka synimin për ta bërë Kosovën shtet funksional. ’Krimi’ i Albinit është tepër i rëndë, prandaj Evropa ka vite që e përkëdhel Serbinë me liderin e saj, pjesëmarrës në barbaritë e Bosnjes dhe Kosovës.
