Kryeministri i Malit të Zi, Zdravko Krivokapiq, i ka reaguar kryeministrit kosovar Albin Kurti, për një deklaratë, në të cilën i pari i ekzekutivit kosovar shprehet se Demarkacioni do të trajtojhet ndryshe nga Qeveria e re e Malit të Zi.
“Konsideroj se deklarata e zotërit Kurti është një provokim të papranueshëm, i cili shpall aspirata të rrezikshme për të cenuar integritetin territorial të Malit të Zi. Është interesant fakti se nuk ka asnjë reagim nga presidenti i Malit të Zi dhe i mandatuari antikushtetues Dritan Abazoviq,” ka shkruar Zdravko Krivokapiq në llogarinë e tij në Twitter.
Ky reagim erdhi pas një deklarate të Z. Kurti pas një vizite në një shkollë të kryeqytetit. Kur, pas pyetjes për demarkacionin Kurti u përgjigj:
“Shpresojmë që së shpejti Mali Zi do të ketë Qeveri të re, me të cilën do të mund të bisedojmë, ta trajtojmë edhe këtë çështje për dallim nga Qeveria paraprake, e cila kishte përbrenda elemente pro ruse përveç se pro Beogradit dhe natyrisht që nuk kishte kushte për një trajtim të tillë”
Ndër tjerash Kurti është shprehur se pas formimit të Qeverisë së re të Malit të Zi, shpreson që njejtë si me Maqedoninë e Veriut e Shqipërinë, të mbajnë një mbledhje bilaterale edhe me Malin e Zi.
