Kusari-Lila: Nuk kemi frikë të shkojmë në zgjedhje, opozita të ketë unitet

Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se partitë opozitare të vendit duhen të jenë njëzëri për shpërndarjen e legjislaturës së tanishme të Kuvendit të Kosovës.

Në një konferencë për media Kusari ka deklaruar se LVV-ja nuk mundet ta bëjë shpërndarjen e parlamentit pa qenë opozita me një kërkesë të unifikuar.

“Në rast se partitë opozitare kanë unitet për shpërndarjen e Kuvendit të Kosovës ne i mbështesim, asnjëherë nuk kemi thënë se kemi frikë për të shkuar në zgjedhje, ne këtë nuk mund ta bëjmë vetëm një grup parlamentar”.

“Mendojmë se të gjitha kushtet i kemi përmbushur për një mandat të rregullt qeveritar. Nuk ka kuptim të mbështetet vetëm një grup opozitar në raport me kërkesën dhe përgjegjësinë që e kemi ndaj votuesve”, ka thënë Kusari-Lila.