Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se Qeveria Kurti është në anën e qytetarëve.
Megjithatë ajo u shpreh në seancën e sotme se për krizën që po ndodhë në botë e që efekti i saj po ndjehet edhe në Kosovë, nuk duhet drejtuar gishti në qeverinë pjesë e së cilës është dhe ajo, përcjell Klankosova.tv.
”Debati po synon të imponojë mendimin që qeveria nuk po reagon ndaj ngjarjeve në vend”.
”Shembull është aksioni i djeshëm i inspektoratit policor. Fakti që konfirmohet se askush nuk është i paprekshëm as Policia e Kosovës, tregon për nivelin aktual ndaj rendit dhe ligjit për të cilën është e angazhuar kjo Qeveri. Ju sot natyrisht se e bëni këtë debat për përfitim politik”.
”Nga fillimi i pandemisë pakot e rimëkëmbjes u janë ndarë qytetarëve në nevojë”.
”Në qershor të vitit 2021 ishte 420 milionë euro. Në fund të shkurtit qeveria ka ndarë mjete shtesë për programin e rezervave shtetërore. Qeveria ka ndalë edhe për 5 masa të ringjalljes ekonomike për t’i mbështetur ata që kanë humbur në punë atë”, ka thënë Kusari-Lila.
