Kreu i Lidhjes Demokratike të Kosovës Lumir Abdixhiku bashkë me zyrtarë dhe ekspertë partiakë sot kanë mbajtur një mbledhje në të cilën kanë paralajmëruar se janë duke finalizuar programin partiak “Rruga e Re”.
Zyrtarë të LDK-së bëjnë të ditur se detajet e programit “Rruga e Re” do të prezantohen zyrtarisht gjatë muajve në vazhdim, duke i dhënë një formë të plotë dhe të detajuar vizionit të partisë për të ardhmen e Kosovës.
Ndërkohë sot në mbrëmje kreu i LDK’së Lumir Abdixhiku dhe zyrtarë tjerë partiakë të LDK-së kanë shpërndarë edhe logon e “Rrugës së Re”.
Por ajo që bie në sy nga kjo logo megjithëse në dukje pretendohet të jetë e re në fakt po del të jetë e krijuar me ngjyra të përdorura.
Janë pikërisht ngjyrat identike të logos së Partisë “Guxo” të cilat janë kopjuar për të krijuar logon e “Rrugës së Re” të LDK-së.
Nëse i shohim dhe krahasojmë ngjyrat blu, blertë dhe të bardhë që kanë përdorur “kreatorët” e LDK-së për të dizajnuar logon e “Rrugës së re” atëher del të jenë identike edhe sa i përketë nuancave të cilat i kanë kopjuar nga partia “Guxo”
Lista “Guxo” ishte themeluar pak para zgjedhjeve të vitit 2021 nga një grup deputetësh dhe aktivistë të LDK-së të cilës i printe ish-deputetja e LDK-së tashmë presidentja e Kosovës Vjosa Osmani. Ky grup i të paknaqurve të LDK-së në zgjedhjet e vitit 2021 u fut në koalicion më Lëvizjen Vetëvendosje duke i fituar zgjedhjet në mënyrë plebishitare me mbi 50% të votave të qytetarëve, e ku për pasojë LDK-ja pësojë një rënie drastike duke humbur mbi gjysmën e elektoratit duke përfunduar si parti e tretë me vetëm12 %.
