Moderatori i Big Brother VIP Albania Ledion Liço, ka reaguar keq ndaj Egles pas ofendimeve që ia ka bërë Françeskës për trupin e saj.
Ledionit si duket nuk i ka pëlqyer aspak se çfarë mesazhi ka dhënë Egla më fjalët e fundit ndaj Françeskës.
“Dua të them një gjë, se bodyshaming nuk mund të përdoret. Ka shumë vajza që e vuajnë këtë. Nuk dua të dëgjoj asgjë nga ty Egla, nëse do të më duhet mbyll edhe lidhjen me shtëpinë dhe jap mesazhin. Ka shumë gjëra që vuajnë nga anoreksia në të gjithë botën. Kjo gjë që ti thua Egla mund të kuptohet ndryshe këtu jashtë. Mesazhet që jepni nuk duhet të jenë të tilla”, ka thënë Ledioni.
Ndërsa edhe opinionisti Arbër Hajdari ka komentuar bullizimin që i është bërë Françeskes, nga Egla.
“S’e di pse ka një lloj tendence për të mos kërkuar falje. Kjo është e keqja. Unë nuk e kuptoj se si dy njerëz komentojnë një vajzë të re për trupin, nuk e kuptoj se çfarë fitojnë. Edhe pse është kaq e vështirë kur kuptoni se personi përballë ndihet keq”, u shpreh Arbri.
