8:08 / 19 March 2023
Kryetari i Partisë Socialdemokrate, Dardan Molliqaj ka kritikuar kryeministrin Albin Kurti për marrëveshjen me Serbinë.
Molliqaj ka thënë se Kurti së bashku me partinë e tij “e kanë futur kokën në dhe si struci”.
“Aq e mirë na qenka marrëveshja saqë Kryeministri, me krejt partinë e tij, e kanë futë kokën në dhe si struci. Si pas një stuhie apo pas një disfate. Sepse disfatë ishte. E Albin Kurti heshtet kështu si sot, pas secilës disfatë”, ka shkruar Molliqaj në Facebook, përcjell Insajderi.
Tutje, ai ka thënë se Kurti e refuzoi marrëveshjen në Shtëpinë e Bardhë në SHBA, por e pranoi në villën e Titos në Shën Naum.
