Gjatë ditës së sotme, kryediplomatja Donika Gërvalla ka reaguar pas raportimeve në media se vajza e saj 16-vjeçare, ka marrë certifikatë për kryerje të praktikës në kabinetin e MPJD-së për nevoja të shkollimit të saj në Gjermani, pa e kryer fare.
“Paska nisur sot edicioni i ri i serialit “Qepimi”. Filmi i njejtë, vetëm skena ndryshon. Ne vazhdojmë punën”, ka shkruar ajo.
Në këtë postim të minsitres Gërvalla, ka komentuar ish-eprori i lartë i UÇK-së dhe ish-agjenti i SHIK-ut, Naim Miftari.
Miftari ka kërkuar nga Gërvalla që mos të humbas kohë me mercenarët mediatik.
“Ministre e nderuar, mos humbisni kohë me mercenarët mediatik dhe orkestrat e opozitës e cila etiketimin, gënjeshtrën dhe hajnin e ka virtyt, e kanë ideal të trashëguar…!”, ka shkruar Miftari.
Ndryshe, media ka raportuar sot se Nora Schëarz, vajza 16-vjeçare e ministres Gërvalla-Schëarz, ka marrë certifikatë për kryerje të praktikës në kabinetin e MPJD-së për nevoja të shkollimit të saj në Gjermani, pa e kryer fare.
