Osmani uron presidentin e ri të Emirateve të Bashkuara Arabe

Presidentja e Kosovës, Vjosa Osmani, ka uruar Mohamed Bin Zayed për emërimin president i ri i Emirateve të Bashkuara Arabe.

Osmani tha se marrëdhëniet në mes të Kosovës dhe Emirateve do të shkojnë duke u forcuar.

“Në emër të popullit të Kosovës, i uroj Lartësisë së Tij Shejh, Mohamed Bin Zayed, çdo sukses si President i Emirateve të Bashkuara Arabe. Jam i bindur se nën udhëheqjen e tij, marrëdhëniet Kosovë – Emirate të Bashkuara Arabe do të shkojnë vetëm duke u forcuar, ndërtuar mbi marrëdhënie tashmë të shkëlqyera”, ka shkruar Osmani në Twitter.

Sheikh Mohamed bin Zayed Al Nahyan u zgjodh zyrtarisht president të shtunën.