Analisti politk Xhevdet Pozhari i cili mban edhe postin e këshilltarit të ministrit të Shëndetësisë përmes një statusi në Facebook, ka bër kritikë në lidhje me heshtjen ndaj krimeve që sjellë degjenerimi i skajshëm, siç e quan ai.
Pozhari ka thënë se me të drejtë reaguam ndaj sulmit që kishte motive fetare, duke aluduar për sulmuesit e Valon Sylës, por sipas tij po heshtim ndaj krimeve të scilat i sjellë degjenerimi i skajshëm e që kryhen për motive të ulëta ose nën ndikimin e substancave narkotike.
Sipas Pozharit ky lloj i krimeve kryhet pothuajshe çdo ditë.
Statusi i plotë i tij:
Me të drejtë të gjithë e dënuam sulmin që kishte motive fetare.
Por, çuditërisht jemi të heshtur ndaj krimeve të cilat i sjellë ose degjenerimi i skajshëm, kryhen për motive të ulta apo nën ndikimin e substancave narkotike. E, të tilla krime ndodhin pakrahasimisht më shpesh, janë shndërruar pothuajse në përditshmëri.
