Zëvendësministri Blerim Sallahu, të martën ka dalë me një postim të çuditshëm. Në ditën kur u publikua pjesa e dytë e bisedës ndërmjet Mimoza Kusari – Lilës e Sllavko Simiqit, Sallahu u mor sërish me opozitën.
Në audiu- incizimin e publikuar nga Nacionale, dëgjohet Simiq të thotë se “PDK-u ka shkaktuar më së shumti dëme Listës Serbe”, ndërsa Sallahu pretendon se përgjimet janë të porositura nga opozita, shkruan Lajmi.net
Ai ka shkuar edhe më larg ku ka thënë se Lista Serbe është themeluar nga ish-kreu i PDK-së.
Postimi i plotë:
Simiq paska theksuar se “PDK më ka shkaktuar më së shumti dëme në jetë”.
Si është e mundur të thuhet diçka e tillë kur përfaqësuesit e Listës Srpska bashkë me PDK-në dhe partitë opozitare kanë realizuar secilin dëshirë dhe qëllim për interesa tërësisht personale në dëm të shtetit të Kosovës.
Kjo tregon saktë se keto audioincizime janë të porositura nga eksponent medial dhe opozitarë për ta shpërlarë sadopak PDK-në nga bashkëpunimi i ngushtë me Listên Srpska.
Pra, PDK, mundohet të pastrohet përmes Listës Srpska.
Megjithatë qytetarët e Kosovës ju njohin dhe nuk ua harrojnë dëmet e mëdha që ia keni bërë vendit në koordinim dhe bashkëveprim të ngushtë me Listën Srpska të themeluar nga ish lideri i PDK-së.
