Së fundmi u bë virale në rrjet një video ku Luiz Ejlli përmendi në një koncert në Shkodër një nga debatet me Dea Mishel brenda shtëpisë së “Big Brother VIP 2”, ku kjo e fundit e ka cilësuar si “provincial”.
Teksa ka patur një sërë reagimesh mbi deklaratën e tij, edhe vetë Dea është përgjigjur nëpërmjet ‘story-t’ të saj në Instagram, ndërkohë që fill pas kësaj, edhe Luizi duket se ka patur diçka të fundit për të thënë.
Në një nga video live, Luizi në mënyrë indirekte duket sikur reagoi edhe një herë për situatën e krijuar.
“Nuk po flas ndonjë fjalë më shumë, sepse çfarë do që të flas duket sikur e kam personale me dikë, por unë s’kam asgjë me njeri. Këtu do të jem, këtu do të rri, siç i kam bërë ballë gjërave, do t’i bëj deri në fund. Çfarë nxjerr nga goja mbaj vetë përgjegjësi. Do të jem i drejtpërdrejtë gjithmonë siç kam qenë. Edhe unë gaboj, por mundohem që çfarë them, ta mendoj mirë dhe t’i them në sy gjërat për gjithçka.”- u shpreh ai.
