Analisti Krenar Shala në emisionin “Politiko” në Kanal 10, ka thënë se ndërkombëtarët e kanë anashkaluar qëllimisht kryeministrin Kurti.
Sipas tij, qëllimi i disa diplomatëve ka qenë që t’i prishin raportet mes Kurtit e Osmanit, por sipas tij, nuk ia kanë arritur, pasi Osmani është treguar shumë e hekurt në qëndrimet e saj.
“Është një taktikë e perëndimoreve për ta anashkaluar diplomatikisht Kurtin, si shenjë proteste duke iu dhënë më shumë rëndësi takimeve me Osmanin. Kjo taktikë diplomatike nuk e di sa ka rezultuar e suksesshme. Diplomatët perëndimor nuk duhet ta harrojnë se Kurti pyetet për Kosovën. Osmani u tregu shumë e hekurt në qëndrimet parimore të mbrojtjes së interesit të Republikës së Kosovës, dhe nuk është vrejtur kurrë që kanë mujt me e ça disa diplomat që kanë pretenduar me i prishë mes vete, e mandej mos po i rrëzojmë e ku di unë, por Osmani ka qenë shumë parimore në vijë me politiken e jashtme të Kosovës”, ka thënë Shala.
