Presidenti i SHBA-së, Joe Biden ka autorizuar një mbështetje të mëtejshme ushtarake në vlerë prej 200 milionë dollarësh për Ukrainën, ka njoftuar Shtëpia e Bardhë.
Ai e sjell fondin total të SHBA-së që i është dhënë vendit në më shumë se 1.2 miliardë dollarë (920 milion £) që nga fillimi i vitit 2021, tha një zyrtar i administratës Biden.
Financimi, të cilin Biden e ka akorduar përmes Aktit të Ndihmës së Huaj, mund të përdoret për të blerë armë dhe materiale të tjera mbrojtëse nga stoku i departamentit të mbrojtjes së SHBA-së, si dhe edukimin dhe trajnimin ushtarak për të ndihmuar Ukrainën.
Kjo do të përfshijë ndihmë të menjëhershme si sisteme anti-blindash, kundërajrore dhe armë të vogla, tha një zyrtar i lartë, shkruan BBC, transmeton Klankosova.tv.
Masa vjen pasi Kongresi Amerikan miratoi 13.6 miliardë dollarë (10.43 miliardë £) ndihmë urgjente për Ukrainën.
Mbështetja ushtarake, duke përfshirë lëshuesit antitank dhe raketat kundërajrore, të ofruara nga SHBA dhe aleatët e tjerë perëndimorë tashmë është përdorur në mënyrë efektive nga trupat ukrainase.
