Profesori dhe njëherësh analisti politik, Nexhmedin Spahiu ka thënë se Serbia nuk e ka një gatishmëri për të zbatuar planin franko-gjerman, ndërsa ka theksuar se qëllimi i shtetit serb është që krijojë një realitet të ri në Kosovë.
“Qasja që ka shteti serb ndaj shtetit të Kosovës, mogatishmëria për me zbatu planin franko-gjerman nënkupton që e lyp vetëm momentin për me godit përsëri dhe me kriju një realitet të ri përsëri”, ka thënë Spahiu.
Duke folur për veriun, Spahiu ka theksuar se përkrah individë të caktuar për shkak të punës së mirë që ata bëjnë për shtetin, duke përmendur Zeqirin dhe Vokrrin.
Tutje, ai ka thënë se është analist i pavarur, por i anshëm në interes të Kosovës.
“Unë e përkrahi Izmir Zeqirin dhe nuk më intereson se në cilën parti është. Ai po vepron mirë si ni kryetar komune dhe unë e përkrah atë. E përkrah Arbër Vokrrin se ka punuar më mirë se të gjithë ministrat e zëvendësministrat në qeverinë Kurti”, ka thënë Spahiu.
