Analisti Nexhmedin Spahiu ka thënë se kryeministrin Albin Kurti po e fundosin ministrat e tij, ndërsa kundërshtarët politikë po e ngrejnë lartë.
Të mërkurën në “Konfront” të KTV-së, Spahiu ka thënë se opozita do të duhej ta kritikojnë Qeverinë në pikat e saj të dobëta, siç janë sipas tij, dështimi në arsim, kulturë, shëndetësi, ekonomi e infrastrukturë.
“Nëse ai mendon që nuk është binar, duhet ta argumentojë. Deri më tani publiku i gjerë nuk po e sheh që opozita ka një mendim ndryshe prej qeverisë, vetëm po e sheh që po tentojnë t’ia zënë vendin Albin Kurtit. Ata nuk po e kritikojnë në pikat e tij të dobëta, në qeverisjen ku ka dështuar, në arsim, në kulturë, në infrastrukturë, në ekonomi, në fusha të jetës. Askush nuk po e ndalon opozitën të mbajë konferenca shtypi, të tregojë korrupsionin etj. Ata që po e fundosin Albin Kurtin janë ministrat e tij, ata që o e mbajnë lart Albin Kurtin janë kundërshtarët e tij politikë. Sa po e sharrojnë ministrat, këta po e çojnë edhe më lartë”, ka thënë ai.
