Iftuar në emisionin e sotëm të “Big Brother Radio” në Top Albania Radio me Elona Duro ka qenë Xum Allushi. Ai është një personazh i njohur publik për shikueshmërinë e tij në rrjete sociale, falë videove humoristike që bën ndër vite. Gjithashtu, Xumi ishte pjesë e edicionit të katërt të “Big Brother VIP Albania”, por që rrugëtimi i tij u mbyll të martën, falë nominimit kokë më kokë me Eglin.
Xumi foli për rrugëtimin e tij në shtëpinë më të famshme në Shqipëri, ku u shpreh se penalizimi i tij i vetëm ishte fakti që u tregua shumë i vërtetë. Në lidhje me Eglin tha se çdo gjë është mbyllur brenda shtëpisë, ndërsa shtoi se prej ditësh ka shkëputur çdo kontakt me të. Në lidhje me këtë të fundit, ai u shpreh se kishte një ndryshim tek sjellja e saj pas futjes së Gjestit. Më tej, ai shtoi:
Ta kisha ditur që Egli është si 5-7 ditët e fundit, ajo do të kishte qenë banorja më armike me mua aty brenda, sepse unë nuk i dua këto njerëz. Njerëzit që janë interesaxhinj unë nuk i honeps dot.
Pra, ai do të thotë se Egli është interesaxhije?
Nuk është se po e them unë. Janë gjëra që thuhen edhe lart e poshtë. Nuk është se është vetëm opinioni im. Sa pa Gjestin, situatën time e zvarriti.
