Gazetari Daut Dauti, lidhur me pjesëmarrjen e kryeministrit të vendit, Albin Kurti, në panelin e diskutimit të Institutit “Chatham House”, ka thënë se Kosova është themeli i sigurisë në Ballkan dhe se Britania e Madhe nuk e ka ndërmend t’ia kthejë Kosovës shpinën asnjëherë në asnjë rast.
Kështu është shprehur gazetari Dauti nga Londra.
Ai ka thënë se rëndësia e konferencave të tilla nga Instituti “Chatham House” i shërbejnë qeverisë britanike, dhe në bazë të rezultateve të arritura, shumë qeveri mund të këshillohen.
“Chatham House” është institut që mbledh mendimet e ekspertëve dhe të cilat i përpunon në mënyrë shkencore. Tema e diskutimit ku merr pjesë edhe kryeministri Kurti do të jetë tema e sigurisë. Rëndësia e kësaj konference iu shërben qeverisë britanike, ku instituti Chatham House merret me studimet e politikave të jashtme, dhe në bazë rezultateve, shumë qeveri mund të këshillohen. Britania e Madhe ka bërë me dije shumë herë se Kosova qëndron në agjendën e saj të politikës së jashtme. Dhe Kosova është themeli i sigurisë në ballkan. Dhe kjo politikë do të orientohet në mbrojtje të sigurisë, statusit dhe ekonomisë së Kosovës. Nëse çrregullohet sistemi i sigurisë së Kosovës dhe natyrisht çrregullohet i tërë Ballkani. Dhe kjo një fat i mirë dhe një politikë e tillë po vazhdon dhe Britania e Madhe nuk e ka ndërmend t’ia kthejë Kosovës shpinën”, është shprehur Dauti.
Sa i përket mbështetjes së Britanisë së Madhe, Dauti është shprehur se “Kosova është partneri kryesor i Britanisë së Madhe. Këtë e bëri me dije edhe Lordi David Cameron me vizitën e tij para një muaji në Kosovë. Ai e zgjodhi vetëm Kosovën dhe në mënyrën simbolike tregoi se Kosova është baza dhe qendra e sigurisë në rajonin e Ballkanit.”
Ndryshe, kryeministri i Republikës së Kosovës, Albin Kurti, ka udhëtuar për në Mbretëri të Bashkuar, ku do të marrë pjesë në panelin e diskutimit mbi sfidat e sigurisë me të cilat ballafaqohet Ballkani Perëndimor, të organizuar nga Instituti i Politikave “Chatham House’’. Ky panel moderohet nga folësit si redaktore e Mbrojtjes “The Telegraph”, Danielle Sheridan, Andi Hoxhaj, pedagog i Drejtësisë dhe kryeministri i Kosovës, Albin Kurti.
