Shkruan Faton Mehmeti
Haj medet haj, kush ka mbet me akuzu dike, hajnat që edhe në varreza të dëshmorëve të UÇK kanë vjedhur. Janë po të njejtit që me u ardh mundësia prap njësojë veprojnë, hallin nuk e kanë pse i gjejnë një ministri një status dikur për UÇK (tek e fundit e ka thënë vetëm të vërtetën), kanë hall se u janë ndal tenderet, ska më pērqindje të tenderëve, s’ka më punësime me të njofshëm e me “kunkurime” sa për sy e faqe.
Ky është halli i vërtetë i opozitës, por jo edhe halli i qytetarëve në emër të të cilëve thirrën. S’kanë të drejtë të thirrën në emër të qytetarēve, po këta qytetarë i dërguan në opozitë, e si duket të gjatë e kanë jetën nën hije.
Të thuash se po e mbroj UÇK-në, i bie një lloj kontrolli, një lloj marrje e kompetencave që nuk i takojnë askujt, sepse ajo ishte e popullit dhe jo e dikujt privatisht. Akoma më ironike është të “mbrohet” nga ata që në emër të saj kanë zhvatur këtë popull për 20 vjet me radhë.
PDK dhe AAK, i kanë bërë dëmin më të madh UÇK-së, në emër të së cilës kanë ndërtuar jetë luksi, apo flasim për krejt njerëzit e ketyre partive por për kupolën drejtuese të saj.
UÇK s’ka nevojë të mbrohet, është e pastër, imazhin e saj e kanë dëmtuar ata që në emër të saj kanë vjedhur, jo ata që e thonë të vërtetën.
