Anëtari i hershëm i LDK-së dhe ish-kryediplomati i Kosvës, Skender Hyseni ka thënë se nuk e kupton deklarimin e kryeministrit të Kosovës, Albin Kurti se njohja e ndërsjellë mes Serbisë dhe Kosovës duhet të jetë në qendër të marrëveshjes gjithëpërfshirëse.
“Po si në mes? Nuk po e kuptoj? Cila, ku është, qysh është njohja në mes? Ma shpjegoni ju, sepse unë nuk mund ta kuptoj?”, ka bërë disa pyetje të njëpasnjëshme Hyseni kur është pyetur për këtë deklaratë.
Hyseni ka akuzuar Kurtin se ai flet vetëm për vota, teksa e ka quajtur edhe “mashtrues inteligjent”.
“Z. Kurti është i njohur për mashtrime inteligjente. Z. Kurti po e mashtron atë grup votuesish të Vetëvendosjes. Z. Kurti kur flet për dialogun, besoni që nuk flet me mua si jo-votues i VV-së, por flet me votuesit”, ka deklaruar ai.
Hyseni ka thënë se Kurti e Bislimi po e degradojnë dialogun në nivel të marrëveshjes parciale, e sipas tij, kjo është recetë për ta konsoliduar status-quo’në.
“Status-quo’ja i konvenon vetëm Serbisë dhe askujt tjetër”, ka thënë ai.
