Kryeministri falënderon Armeninë për kontributin në KFOR dhe thekson rëndësinë e aleancave mes demokracive
Kryeministri i Kosovës, Albin Kurti, ka zhvilluar një takim me homologun e tij armen, Nikol Pashinyan, në Qeverinë e Armenia.
Kurti bëri të ditur se ky takim vjen pas një takimi të mëhershëm në kuadër të Munich Security Conference në vitin 2024.
Ai ka falënderuar Armeninë për kontributin e forcave të saj të armatosura në misionin e KFOR, si dhe për bashkëpunimin në rritje ndërmjet dy vendeve.
Sipas Kurtit, në takim është diskutuar për mundësitë konkrete të thellimit të marrëdhënieve, me fokus në bashkëpunimin ekonomik, investimet, tregtinë, si dhe shkëmbimet akademike dhe kulturore.
Gjithashtu, ai theksoi rëndësinë e ndërtimit të aleancave mes demokracive në një kohë sfidash globale, duke i cilësuar ato si mekanizma të rëndësishëm për paqe, siguri dhe stabilitet në Evropë dhe më gjerë.
