Kryetari i SBAShK-ut, Rrahman Jasharaj ka thënë se mund të ketë grevë të heshtur nga mësimdhënësit për shkak të pakënaqësive lidhur me pagat. Siç ka theksuar Jasharaj, ka ankesa nga mësimdhënësit gjatë gjithë kohës.
Ai thotë se pakënaqësia filloi edhe kur u miratua Ligji i pagave, ku kërkesa ishte që vlera e koeficientit të bëhej 110, duke pasur parasysh edhe rritjen e çmimeve.
Sipas kreut të këtij institucioni, me kalimin e kohës do ndodh pa dëshirën tyre një grevë e heshtur nga mësimdhënësit.
Jasharaj shtoi që ministri i Financave, Hekuran Murati kishte paralajmëruar që më 2024, koeficienti do bëhet 110, por se kjo ende nuk është realizuar.
Kryetari i SBAShK tha që është një numër i madh i mësimdhënësve që po tentojnë të largohen nga pozitat e tyre duke i lënë ato të zbrazëta, e poashtu ka shumë të tillë që po kërkojnë pushim pa pagesë, ka deklaruar Jasharaj në Klan Kosova.
Ai shton që nuk ka arritur të takojë as Ministren e Arsimit, Arbërie Nagavci, e as Ministrin e Financave, Hekuran Murati për të diskutuar për këtë çështje.
